Поврзете се со нас

Лига на шампиони

Коментар: ЕХФ претплатен за грешни проценки, Вардар пак им ги замрси сметките!

Објавено

на

Не толку одамна, во 2017 година, ЕХФ објави текст на германскиот новинар Бјорн Пазен со наслов „Пет причини зошто Флензбург ќе оди на Финал 4“, токму пред одигрувањето на мечот од четвртфиналето на ЛШ каде што споменатиот германски тим играше со Вардар.

Како што покажа историјата, Вардар беше тој што замина за Келн, а од таму се врати со шампионскиот трофеј. Оваа година на 19 март, ЕХФ ја објави ранг-листата на фаворитите за трофејот во форма на анкета меѓу специјализирани новинари. Ништо чудно, Вардар беше на шесто место, а Пик Сегед на трето!

И откако констатираа дека нивниот фаворит со полна мрежа си заминува од Скопје, на официјалниот „Твитер“ на ЕХФ, коментарот по првиот меч и предноста од осум гола на Вардар сепак има прашалник на крајот.

– Дали шампионите од 2017 година се блиску до уште еден пат во Келн?

Па, Пик Сегед сигурно – не е! Најблаго кажано, Вардар е сега засега поблиску до Келн отколку унгарскиот тим. Би можеле да составиме уште 10 други реченици во кои логиката вели дека 8 гола предност се момент за респект, но чудно е што ниту една таква не им текнала на зачудените мајстори на сплетките.

Сосема на крај, во коментарот за онаа изјава околу финансиите на Самсоненко, предупредив дека е можно тајмингот да биде темпиран, па затоа ќе ја повторам констатацијата: Едноставно, не можам да се оттргнам од впечатокот дека со ваквата најава се намамуваат противниците во психолошка војна дека им претстои веќе добиен меч, а потоа „да се удават во матниот Вардар“.

Грешните проценки на ЕХФ не им служат на чест, но се добра инспирација за „црвено-црните“. Очекувам дека тоа ќе го потврдат на 5 мај во реваншот.

Александар Табаковски

Реклама
Реклама
Реклама

Популарни