Колегата на Мик Шумахер во Формула 1 со изненадувачка изјава: Не ми е гајле за неговото име, не сме пријатели

Тимот на Хас следната натпреварувачка сезона во ќе биде сочинет од двајца дебитанти во Формула 1.

Синот на легендарниот Михаел Шумахер, Мик како и рускиот пилот, Никита Мазепин ќе седат во болидот на тимот кој шанса им даде на младите возачи откажувајќи се од искусните Кевин Магнусен и Роман Грожан.

Пред извесен период Мик Шумахер зборуваше за односот кој го има со Мазепин истакнувајќи дека на почетокот биле во добри односи, а потоа само се оддалечиле.

– Тој беше многу добар и меѓу нас имаше големо почитување. Потоа изгубивме контакт и секако дека од тогаш и двајцата сме многу променети, -изјави Шумахер.

Младиот Русин, Мазепин сега даде неочекуван коментар кој звучеше многу поостро од тој на Мик Шумахер.

– Ние не сме пријатели, ние сме само стари познаници кои заедно возеа картинзи. Искрено не ми е грижа за неговото име. Тоа можеби значи поголема моќ, но исто така значи и поголем притисок за него. Кога јас ќе го спуштам визирот не размислувам на ништо освен на трката, -изјави Мазепин.