Кол го посочи најдобриот играч во Премиер лигата: Тој постигна неверојатни голови

Поранешниот англиски репрезентативец Џо Кол го посочи играчот кој според него е најдобар во актуелнава сезона во Премиер лигата.

Во најдобрата фудбалска конкуренција на островот има мала пауза во моментов, па ова секако е добар момент да се издвојат некои работи, да се каже кој е фудбалерот кој го има одбележано досегашниот дел од шампионатот.

Иако Манчестер Сити е прв за Кол играчот кој е број еден доаѓа од друга екипа и тоа е Мохамед Салах од Ливерпул.

-Пред неколку недели мислам дека рековме Бернардо Силва. Но тоа може да биде само еден човек, според мене. Мислам дека е најдобриот играч во светот во моментов и тоа е Мо Салах. Тој има четири недели одмор за играње во Африканскиот куп на нации, но тој сè уште е на врвот на листата на стрелци. Го сакам, апсолутно го сакам.

-Мислам дека никој никогаш нема да му се доближи на Меси кога беше на највисоко ниво. Мислам дека ќе помине долго, долго време пред да видиме такво ниво, но тој е најблиску што сум го видел во моментов. Колку долго може да го одржи ова… некои од головите што ги постигна се неверојатни, -истакна Кол.