Коко Гоф не можеше да поверува колку пари заработи со освоениот трофеј во Ријад (Видео)

Неполн ден пред да стартува завршниот Мастерс турнир во машка конкуренција, на програмата беше големото финале на ВТА турнирот во Ријад, а таму вчера како подобра испадна Коко Гоф во финалето со Кинвен Женг.

Саудиска Арабија оваа година ги пречека најдобрите осум тенисерки на денешницата, а шампионката од Америка си замина од Ријад со историски чек за која и самата не беше свесна.

Поради освоената титула и четирите остварени победи во Ријад, Коко инкасираше неверојатни 4,8 милиони долари, што е убедливо најголемата награда во историјата на женскиот тенис.

Гоф не беше свесна за висината на чекот кој го доби за цела натпреварувачка недела во Ријад, па откако дозна од новинарите, самата даваше одговори во неверица.

– Не знам што ќе правам со толку пари, тоа се многу пари…. Колку рековте дека добивам? 4,8 милиони долари. Сигурна сум дека со ова ќе бидам една од најплатените оваа година. Тоа е огромна сума на пари, голема награда, но јас не играм тенис поради тоа. Не бев свесна за висината на наградата, – изјави Гоф.

Coco Gauff's reaction when she found out she made a record $4.805 million was gold

"okurrrr😂"

📰https://t.co/YWxUTV7Qnj#WTAFinals pic.twitter.com/PcUN92KuHC

— Reem Abulleil (@ReemAbulleil) November 10, 2024