Поврзете се со нас

Англија

Кој ќе го преземе Евертон? Две англиски легенди се во игра да го наследат Бенитез

Објавено

на

Англискиот прволигаш Евертон се одлучи да се раздели со менаџерот Рафаел Бенитез откако екипата загуби од Норич со што само се заокружи серијата на лоши резултати кога е во прашање Премиерлигата.

Управата на „карамелите“ сега бара нов предводник, а додека трае таа потрага привремено работата ќе ја преземе Данкан Фергусон. Во меѓувреме медиумите излегуваат со информации за тоа кој би можел да седне на „жешкото столче“, а во игра се четири имиња.

Во јавноста веќе излегоа вести за Роберто Мартинез и Нико Ковач, додека останатите два кандидати се Вејн Руни и Франк Лампард. Според „Дејли Мејл“ двете легенди ќе добијат повик и ќе се направи интерву со нив со што дефинитвно се во игра да добијат шанса на „Гудисон Парк“.

Лампард е слободен агент откако минатата сезона заработи отказ од Челси, а кога е во прашање Руни тој е врзан со Дерби Каунти, тим со кој бележи позитивни резултати ако се земе целата ситуација со клубот.

Вејн е екс играч на Евертон, има посебна врска со навивачите и неговото доаѓање дефинитивно би било дочекано со големи аплаузи, очекувања во сината страна на Ливерпул.

Евертон со 19 бода е на 16. место на табелата.

Реклама
Реклама
Реклама

Популарни