Клупска легенда за ефектот на напаѓачите: И јас би имал проблем да давам голови во ваков Јунајтед

Манчестер Јунајтед не може да се пофали со соодветен ефект на своите напаѓачи сезонава, нешто што влијае на резултатите, но истовремено е поврзано и со начинот на кој играат другите линии во екипата.

Клупската легенда Енди Кол смета дека главниот проблем не е кај напаѓачите и смета дека не може да се очекува повеќе од нив во ваква тимска ситуација.

– Јас имав голема среќа, затоа што во периодот во кој бев во Јунајтед имав можност да работам со докажани професионалци од кои научив многу.

– Овие момци (Хојлунд и Зиркзе) се фрлени на „празен терен“, се работи за двајца млади играчи кои покрај себе немаат поискусни колеги кои би требало да ги водат.

– И јас да дојдев во овој Јунајтед и да бев под ваков притисок, сигурно ќе ми беше тешко. Екипата генерално не постигнува многу голови и нормално е тоа да се одрази и на бројките на напаѓачите. Лично ги поддржувам Хојлунд и Зиркзе, како и менаџерот, кој се обидува да го врати тимот на вистинска патека на свој начин. Работите ќе си дојдат на свое место, добрите времиња доаѓаат после лошите времиња и Јунајтед ќе се врати на местото кое му припаѓа, – рекол Кол.