Клубовите си подадоа рака: Францускиот репрезентативец потпишува за Милан

Милан се обидува да изгради што подобар, поконкурентен состав за натпреварувачката 2024/2025, па во овој преоден рок има поставено јасни трансфер цели кои една по една ги реализира.

Прво беше обезбеден напаѓачот Алваро Мората, потоа дефанзивецот Страхиња Павловиќ, па бекот Емерсон Ројал за да сега дојде информација дека е постигнат договор со Монако за трансферот на Јусуф Фофана.

Долго време двата клуба бараа формула, заеднички јазик и конечно си подадоа рака за пакет вреден 25 милиони евра. Се работи за сума со бонуси, а играчот ќе потпише договор до 2028 година.

Фофана е француски репрезентативец кој ја покрива средината на теренот и сигурно ќе биде сериозно освежување за составот преводен од Паоло Фонсека.