Клуб Бриж даруваше во завршницата, Асенсио осигура голема победа за Астон Вила (Видео)

Астон Вила осигура голема предност пред реваншот на домашен терен против Клуб Бриж, откако вечерва во Белгија успеа да стекне два гола позитива, и тоа после две големи грешки во потесната одбрана.

Англискиот ривал беше фаворит на хартија и успеа да ја оправда таквата улога, иако мора да се призна дека белгискиот состав одново се покажа како цврст орев.

Астон Вила и Клуб Брижи си зададоа по еден удар во првите 12 минути во кои стрелаа Бејли и Де Кујпер, но во едно бавно и доста неинтересно прво полувреме, речиси и да не гледавме друго возбудување во двата шеснаесетници.

Ист тек имаше и вториот дел се до 82-та минута, а тогаш видовме една лоша реакција и автогол на Мекеле, по што следеше дополнителен шок за домашните фанови.

Гркот Цолис со една почетничка реакција направи пенал, а одговорноста ја презема искусниот Асенсио кој неодбранливо биеше во мрежата на Мињоле за конечни 1:3.

Автоголот погледнете го ТУКА

Пеналот на Асенсио погледнете го ТУКА