Клоп со прва оценка за работата на својот наследник Слот

Јирген Клоп не го криеше задоволството што Ливерпул одлучил негов наследник да биде Арне Слот, а на почетокот на сезоната ја анализирал и досегашната работа на холандскиот колега.

Слот и „црвените“ обезбедија триумф во првото коло со допадлива игра, а Клоп не штедел комплименти за наследникот.

– Зборував со него еднаш или два пати на почетокот, си праќавме и пораки. Но, нема што да му кажам, што тој веќе не го знае.

– Тој завршил одлична работа, пред се бидејќи знам како изгледаат подготовките кога во текот на летото има ЕП и Копа Америка.

– Не располагаш со целиот состав, а кога фудбалерите ќе се приклучат, имаш само една недела до почетокот на првенството. Од натпреварите се гледа дека Слот добро си ја завршил работата, јасна е идејата која ја има, а тоа е најдобар комплимент за секој тренер, – вели Клоп.