Клоп со прв коментар за заминувањето на Мане: Не треба да жалиме што го загубивме…

Садио Мане официјално се пресели во редовите на Баерн Минхен и стави крај на својата успешна етапа во дресот на Ливерпул.

Менаџерот Јирген Клоп во првиот коментар за трансферот, во свој стил ја опиша разделбата со сенегалскиот репрезентативец.

– Во ваков момент треба да изразиме благодарност кон Садио и да ја потврдиме љубовта кон него.

– Тој го напушта Ливерпул како еден од најдобрите во клупската историја и точно е дека заминува кога е еден од најдобрите светски фудбалери.

– Не треба да жалиме што го загубивме, туку да бидеме среќни дека го имавме изминатите сезони. Со головите и освоените трофеи тој си заслужи статус на легенда, Садио го направи овој тим подобар уште кога првпат стапна на теренот, – изјавил Клоп.