Клоп со порака до своите играчи: Ако некој не сака да тренира…

Ситуацијата со коронавирусот ги стави фудбалерите во незгодна позиција, па иако знаат дека имаат договори со клубовите кои треба да ги испочитуваат, дел од нив не кријат дека се исплашени од ризикот кој го носат евентуалните натпревари.

Денеска премиерлигашите започнаа со специфични тренинзи во групи, а Јирген Клоп вели дека е среќен што може да размислува за фудбал, но истовремено им испрати порака на оние играчи кои евентуално се исплашени од коронавирусот.

– Тоа е нивен избор, уште пред тренингот им реков дека се тука по сопствена волја. Вообичаено, потпишуваат договор и треба да се присутни таму каде што ќе им биде посочено, но во овој случај, тој што не се чувствува безбедно, не мора да дојде.

– Нема никакви рестрикции, казни и слично, одлуката е само нивна и тоа ќе го почитуваме, – вели Клоп.

Поради преземените мерки за заштита на сите во тренинг центарот, членовите на првиот тим на Ливерпул не смеат да се тушираат и пресоблекуваат во соблекувалните, туку тоа го прават во своите домови.

– Се чувствувам како полицаец кој секаде ја носи својата униформа, – се пошегувал Германецот.