Клоп планирал да го замени Салах со најголемото трансфер промашување на Тен Хаг

Мохамед Салах се наоѓа во ситуација кога не е познато дали ќе остане во Ливерпул по крајот на оваа сезона, а идентична таква ситуација имаше и во 2022-ра година, кога Јирген Клоп на секаков начин се обидуваше да го убеди Египќанецот да остане на „Енфилд Роуд“.

Германецот успеа во таа намера и на крајот не мораше да пазари на трансфер пазарот, а како што тврдат неколку угледни англиски медиуми, тоа го спречило Клоп да го одврзе ќесето за фудбалер кој сега разочара во Манчестер Јунајтед.

Како што јавува угледниот „Тајмс“, германскиот стручњак бил цврсто решен да издвои големи парични средства за Антони, во кого тогаш гледал како идеална замена за Салах со оглед на позицијата која игра, но и перформансите кои ги имаше во Ајакс.

Сплетот на околности направија Салах да стави потпис на нов договор и да остане главна алка во нападот на Клоп, а тоа му овозможи на Ерик Тен Хаг да го купи Антони.

Две години подоцна, испадна дека Бразилецот е најлошо засилување во ерата на холандскиот стручњак, па навивачите на Ливерпул после оваа вест се уште посреќни што Клоп го убедил Салах да остане на „Енфилд“.