Клоп: Некој сака да ја поништи сезоната

Ливерпул остана во неизвесна ситуација откако сезоната беше прекината во моментите кога „црвените“ се уште теоретски ја немаа потврдено титулата, иако има огромна предност во однос на ривалите.

Додека сезоната официјално не е продолжена и се шпекулира со распоредот за рестартирање на Премиер лигата, менаџерот Јирген Клоп вели дека не е коректно да се зборува за поништување на шампионатот.

– Постојат шпекулации дека некој сака да ја поништи сезоната, одигравме 76 проценти од сезоната и некој тоа сака лесно да го избрише.

– Да кажете дека ништо не се случувало изминатиот период не е фер, ние сме први според освоените бодови и како домаќини и како гости.

– Нормално, во животот има многу поголеми проблеми отколку да не ја освоите титулата, луѓето околу нас имаат големи проблеми. Луѓето умираат, тоа се случува, но причина е коронавирусот за кој не знаевме ништо и никој не можеше да биде подготвен, – истакнал Клоп.