Клоп не планира да ги пушти интернационалците од земјите од „црвената зона“

Јирген Клоп денеска потврдил дека не планира да им дозволи на своите фудбалери да настапуваат за националните тимови, доколку тоа подразбира задолжителен карантин.

Ливерпул се подготвува за дербито со Челси, а Клоп бил јасен по прашањето наметнато поради британските мерки за заштита од коронавирусот.

– Мислам дека сите клубови ќе се согласат дека не е возможно да им дозволиме на фудбалерите да одат во своите земји, а по враќањето да седат 10 дена во карантин во хотелска соба.

– Ги разбирам потребите на федерациите и репрезентациите, но ова е период во кој не можеме да очекуваме сите да бидат задоволни. Фудбалерите се платени од клубовите и тие треба да бидат нивен приоритет, – изјавил германскиот менаџер.

Според британските правила, при враќање од земјите во „црвената зона“, мора да се поминат 10 дена во карантин, а во Ливерпул во ваква ситуација би биле Бразилците Алисон, Фирмино и Фабињо, како и Португалецот Жота.