Клоп не го гледаше пеналот на Салах, па доби погрешен впечаток за епилогот (Видео)

Јирген Клоп немаше нерви да го гледа пеналот кој го изведе Мо Салах, но токму поради тоа доби и погрешен впечаток за тоа што се случи на теренот во 52-та минута.

Ливерпул максимално добро реагираше по лошото прво полувреме и второто го отвори со неверојатен интензитет, а тоа направи да видиме пенал за кој се избори Жота.

Виновник за најстрогата казна беше невнимателниот Холдинг, по што Мо Салах реши да ја преземе одговорнсота и да го брка вториот гол по оној кој го постигна на крајот на првиот дел.

Египќанецот навистина ретко греши од белата точка, но денеска промаши цел гол и реакцијата на гледалиштето предизвика и урнебесна реакција од страна на домашниот менаџер.

Клоп не гледаше што се случува и доби впечаток дека неговиот напаѓач погодил, но кога се сврте, виде дека топката не е во голот и се чудеше што се случува.