Клоп: Јас сум виновен за промашениот пенал на Мане (ВИДЕО)

Екипата на Ливерпул по уште една голема драма заокружена со пенали славеше над Челси, па по англискиот Лига Куп го освои и ФА Купот.

Основниот дел и двете продолженија по 15. минути не донесоа погодоци, па ударите од 11 метри го решија победникот. „Црвените“ ја имаа првата можност да го затворат мечот, но во петтата серија Мане беше прочитан од неговиот сонародник Менди.

Борбата продолжи, па се дојде до седмата рунда во која Маунт не реализираше по што редот му дојде на Цимикас кој биеше прецизно за титула на Ливерпул. Менаџерот Јирген Клоп беше среќен поради новиот голем резултат, освоен пехар и во оваа ситуација призна дека тој имал своја улога во промашениот пенал за Мане кој можеше комплетно да го смени текот и исходот да биде сосема поинаков.

-Промашениот пенал на Мане е најмалку 50 проценти моја одговорност, затоа што треба да ги оставите момците да го прават она што мислат, ама јас му реков: Тој те познава, па шутирај на другата страна. Колку често во мојот живот, сфатив дека е подобро да молчам! Но, сепак успеавме и искрено многу ни значи, -порача Клоп.