Клаузулата е активирана: Сон доби нов договор од Тотенхем

Репрезентативецот на Јужна Кореја, Сон Хеунг-Мин доби нов договор од премиерлигашот Тотенхем.

Според досегашниот договор Сон ќе беше слободен играч по крајот на оваа сезона и се појавија информации дека е на листата на Барселона како потенцијални засилувања. Меѓутоа сега стиауцијата е поинква, клубот ја активираше клаузулата за продолжување на соработката, па така сега Сон треба да остане во северен Лондон најмалку до 2026 година.

Хеунг-Мин една деценија е дел од  Тотенхем, екипа на која е капитен и за која има оидграно вкупно 431 натпревар и постигна 169 погодоци со што е на четврто место во историјата на клубот.

Претходно тој на сениорско ниво беше дел од Хамбургер и Баер Леверкузен.