Класата е вечна: Подолски испрати неодбранлив „проектил“ од слободен удар (Видео)

Лукас Подолски долго време беше дел од фудбалскиот крем во Европа и играше за тимови како Баерн Минхен и Арсенал, но поранешниот германски репрезентативец веќе втора година е дел од полскиот шампионат.

Подолски во моментов има 37 години и е далеку од очите на највлијателната европска јавност, но со своите потези кои ги прикажува од време на време, потсетува за каков страшен мајстор станува збор.

Напаѓачот во месец ноември минатата година постигна гол од 60 метри за својот Горник Забрзе, а вчера донесе нова победа за тимот во пресвртот од 3:2.

Неговиот тим губеше 0:2 на полувреме, но на крајот победи со 3:2 токму благодарение на двата гола кои ги постигна Подолски во вториот дел.

Оној првиот беше вистинско ремек-дело, бидејќи Подолски испрати неодбранлив проектил од слободен удар, по кој и самиот остана импресиониран од завршницата.

W tym meczu było wszystko! 😍#GÓRWPŁ 3:2 pic.twitter.com/dwHMUOJBJ9

— PKO BP Ekstraklasa (@_Ekstraklasa_) March 17, 2023