Класа потег од Ноле: Ѓоковиќ го прекина интервјуто и го утеши расплаканиот Димитров (Видео)

Григор Димитриов не успеа да го предизвика Новак Ѓоковиќ и разочара со изданието во финалето, бидејќи претходно цела седмица играше на навистина високо ниво и заслужено се најде на завршниот турнир.

Сепак, светскиот рекет број еден одново се покажа како преголем залак за него и претрпе убедлив пораз од 6:4 и 6:3, по што Бугаринот беше навистина разочаран по крајот на мечот.

Димитров џентлменски се поздрави со Србинот и му честиташе за победата и новата освоена голема титула, но потоа се покри со пешкирот на клупата во обид да ги сокрие солзите.

Новак го забележа тоа и реши да го прекине интервјуто кое веќе го започна новинарот, па со својот потег само уште еднаш покажа колку го почитува Бугаринот.

Ноле и Григор се добри пријатели надвор од теренот, па најдобриот светски тенисер имаше време и да го теши својот ривал во денешното финале.

This moment between Dimitrov and Djokovic was better than the match itself 🥰 pic.twitter.com/9Hytjllk3g

— Olly 🎾🇬🇧 (@Olly_Tennis_) November 5, 2023