Клајверт и Ван Гал прифатиле понуда во азиска репрезентација

Патрик Клајверт прифатил интересен ангажман во азиска земја, а „Марка“ тврди дека ќе работи во невообичаен тандем со Луи ван Гал.

Се работи за репрезентацијата на Индонезија, чиј селектор неодамна доби отказ и чија федерација очекува токму Клајверт да обезбеди прв мундијалски пласман на оваа земја.

Холанѓанецот последно работеше во Адана Демирспор во Турција, а сега решил да ја прифати понудата на Индонезија, која се уште има реални шанси да се бори за место на СП во 2026 година.

Иако засега не е потврдена информација, Клајверт ќе соработува со својот поранешен ментор Ван Гал, кој треба да ја извршува улогата на спортски директор во националниот тим.

Индонезија е поранешна холандска колонија и под друго име учествуваше на СП во 1938 година, каде доживеа убедлив пораз од Унгарија.