Кјелини си оди од Јувентус и станува соиграч на несудениот македонски репрезентативец

Легендарниот италијански репрезентативец после долги години ќе стаив крај на авантурата во Јувентус и ова лето ќе има нов клуб.

Искусниот стопер кариерата ќе ја продолжи во американската МЛС Лига од каде неколку клубови веќе го контактирале за да премине во нивните редови.

Кјелини веќе добил две официјални понуди, а едната од нив според Фабрицио Романо била од тимот на Лос Анџелес.

Дефанзивецот се уште не донел конечна одлука каде ќе ја продолжи кариерата, но голема е веројатноста тој да потпише за тимот на Лос Анџелес каде во моментов настапува и несудениот македонски репрезентативец, Дени Мусовски.

Што се однесува до Јувентус, клубот од Торино со сигурност ќе донесе нов централен дефанзивец во летниот преоден рок.