Кјелини: Се уште се срамам од гестикулацијата кон Оливер и играчите на Реал (Видео)

Џорџо Кјелини беше пример за непоштедлив воин и борец на теренот, па иако тоа направи да се претвори во идол на многу млади и талентирани фудбалери, самиот дефанзивец е свесен дека во кариерата остави и некои лоши примери.

При обраќањето кое го имал во Универзитетот во Рим, Џорџо се потсетил на неславната епизода која ја имаше со Мајкл Оливер, кога алудираше дека англискиот судија е потплатен од страна на играчите на Реал.

Големото европско дерби во 2018-та година заврши со пенал за Реал во самата завршница, а во целиот хаос кој настана на „Бернабеу“, посебно нервите ги загубија Џанлуиџи Буфон и Џорџо Кјелини.

– Направив некои работи на кои не сум горд и од кои сум засрамен. За пример ќе ја дадам ситуацијата која сите ја паметат со Мајкл Оливер, но еднаш изреагирав лошо и со Рицоли.

– Секогаш сум велел дека не треба да се однесуваме така кон судиите. Ние играчите треба да им помагаме на судиите, бидејќи и тие се луѓе кои можат да згрешат, – порачува Кјелини.

Finora benissimo l'arbitro Oliver.
Quello a cui Chiellini aveva annunciato la manovra stipendi con largo anticipo#BenficaInter pic.twitter.com/9n6zOssuJU

— Quinto senso e mezzo (@angianna78) April 11, 2023