Кјелини: Никогаш не влегувајте во канцеларијата на Сари после туширање

Џорџо Кјелини не престанува да ја „бомбардира“ јавноста со своите извадоци од автобиографијата која веќе предизвика голем бум во Италија, но наспроти сите провокативни делови кои им ги посвети на Марио Балотели, Фелипе Мело и Серхио Рамос, во книгата говори и за актуелниот тренер на Јувентус.

Не треба да се заборави дека капитенот веќе откри дека му простил на Антонио Конте за преминот во Интер само поради тоа што му е добар пријател и огромен професионалец, но во своето дело, има посветено и пасус за Маурицио Сари кој го презема италијанскиот првак минатото лето.

– Кога работите со Сари, секогаш ја барате перфекцијата. Сака 100 проценти од секој играч и сака максимален посед на топка во противничката половина. Тоа е утопија, но таквиот начин на размислување го донесе до таму кадешто е денес, – вели Кјелини.

Искусниот стопер е лидер и капитен и во тимот кој го диригира Сари, а покрај неговиот начин на работа, говори и за неверојатната завист на стратегот, односно страственото пушење.

– Единствена работа за која не можете да реагирате кај него е прекумерното пушење на цигари. Се разговара со него во неговата канцеларија само пред да одите на туширање. Никогаш не влегувајте во канцеларијата на Сари после туширање. Ако го направите тоа, неверојатно многу ќе смрдите на тутун, – потенцира Кјелини.