Кјелини ја откри вистинската причина за поразот на Јувентус од Реал во финалето на ЛШ: Многу се зборуваше…(ВИДЕО)

Италијанскиот дефанзивец, Џорџо Кјелини во својата автобиографија се отвори за многу работи во својата кариера, за многу моменти, а меѓу нив е и финалето на Лигата на шампионите во 2017 година, финале кое Јувентус го загуби од Реал Мадрид со 4-1.

„Бјанконерите“ беа рамноправи во првиот дел (1-1) за да во продолжението потонат во Кардиф, па многу се зборуваше за тоа што се случило на паузата и тоа дали имало расправија во соблекувалната.

-Многу се зборуваше за фамозното финале во Кардиф и поразот од Реал Мадрид. Па, ништо чудно не се случи. Бевме само уморни. Зошто би престанале да се бориме откако израмнивме. За што? Не губевме со 3-0, па дури и тогаш не би имало смисла.

-Ништо сензационално не се случи на полувреме. Никој не се тепаше. Загубивме затоа што бевме исцрпени. Финалето секогаш доаѓа премногу доцна за нас. Бевме крајно исцрпени по првото полувреме.

-Манџукиќ едвај можеше да оди, исто и Пјаниќ. Двајцата добиваа лекарски третман додека Алегри зборуваше. Бевме без здив. Си рековме дека ќе се вратиме. Беше 1-1, но потоа заврши драматично, -напиша Кјелини.