Кјелини директно посочи зошто Мбапе е подобар од Нејмар

Капитенот на Јувентус, Џорџо Кјелини смета дека Килијан Мбапе е подобар од неговиот соиграч Пари Сен Жермен, Нејмар Жуниор.

Стоперот верува дека пред Французинот е светла иднина, а воедно обелодени кога првпат го видел младиот напаѓач и каква била неговата реакција.

-Мислам дека Мбапе е подобар од Нејмар затоа што е поконзистентен. Иднината му припаѓа на него. Тој е навистина уникатен играч. Првиот пат кога го видов како игра беше во ЛШ во сезоната 2016/2017 за време на дуелот меѓу Манчестер Сити и Монако. Беше многу импресивен.

-На крајот на првото полувреме, го прашав спортскиот директор на Јувентус, Фабио Паратити: „Кој е тој? Од која планета дојде? Фабио ми одговори: „Да, знам. Ние знаеме за него долго време“. Беше незапирлив напаѓач, а имаше само 18 години. Таа година се соочивме со нив во полуфиналето. Сега има 21 година и тој веќе е светски шампион.

-Аура, техника, инстинкт, ништо не му недостасува. Тој е играч што дава нешто што е непроценливо ремек-дело, -вели Кјелини во неговата автобиографија.