Ќе се бори за медал: Георгиевски обезбеди полуфинале на Медитеранските игри во Алжир (ВИДЕО)

Македонскиот таеквондист, Дејан Георгиевски успеа да обезбеди пласман во полуфиналето во категоријата над 80 килограми на Медитаранските игри во Алжир.

Сребреното момче од Олимписките игри во Токио по една вистинска и неизвесна борба славеше над Ахмад Мохамад од Египет со 20-18. Ова беше дуел во кое двајцата таеквондисти имаа свои моменти, блесоци, но нашиот Деки беше за нијасна подобар, подобро се снајде кога најмногу требаше и обезбеди место во следната рунда или поточно ќе се бори за медал во Оран.

На патот до финалето му стои Ајуб Басел од Мароко.

Претходно пак Сања Поповска во категоријата до 57 килограми беше поразена во првата рунда од Ашракат Дарвиш од Египет со резултат 7-5.