Ќе има спектакл: Ѓоковиќ го дозна противникот во полуфиналето на АО

Новак Ѓоковиќ мина низ топлотен бран за да се пласира во полуфиналето на Аустралијан Опен, а неколку часа подоцна, го дозна и својот ривал во оваа рунда.

Светскиот рекет број еден се намачи во првите два сета со Тејлор Фриц и доста тешко се справуваше со „пеколот“ во Мелбурн, но потоа се аклиматизираше и во четири сета ја заврши работата.

Ноле е главен фаворит за освојување на 11-та титула на омилениот грен слем турнир, а претпоследна пречка ќе му биде Италијанецот со кој водеше најголеми битки на крајот на 2023-та година.

Јаник Синер успеа двапати да го победи Ноле на последните три меча, но и самиот е свесен дека ќе мора да се надмине себеси за да го добие во меч во три добиени сета.

Синер имаше добра увертира за пресметката со светскиот рекет број еден, бидејќи не загуби ниту еден сет во дуелот со Андреј Рубљов и со 3:0 се пласираше во полуфиналето.

Русинот ги пропушти сите свои шанси за да освои барем еден сет, па на крајот загуби со 6:4, 7:6 и 6:3, со што дозволи Синер да се пласира меѓу четирите најдобри без да загуби ниту еден сет од самиот старт на турнирот.

15 sets played, 15 sets won.@janniksin sizzles into the #AusOpen semi finals with a 6-4 7-6(5) 6-3 win over Andrey Rublev.@wwos • @espn • @eurosport • @wowowtennis pic.twitter.com/HR8kGnXwj1

— #AusOpen (@AustralianOpen) January 23, 2024