Ќе биде „новиот Робињо“: Барселона го испраќа Дембеле во Премиер лигата

Усман Дембеле ја одби можноста да потпише нов договор со Барселона, па сега клубот од „Камп Ноу“ сака да се ослободи од него пред истекот на овој зимскиот преоден рок.

Каталонците веќе се во акција и според „Спорт“ новата дестинација на Французинот најверојанот ќе биде Премиер лигата или поточно Њукасл. Барса веќе неколку денови е во контакт со клубот од „Сент Џејмс Парк“ и двата тима се заинтересирани да постигнат договор до 31 јануари.

Како што е познато премиерлигашот има нови сопственици од Саудиска Арабија и нивната цел е Дембеле да биде нивниот Робињо, односно прва поголема ѕвезда во екипата како што Манчестер Сити во 2008 година направи со некогашната ѕвезда на Реал Мадрид.

Останува да се види како ќе се развива оваа ситуација со оглед на тоа што Дембеле на финансиски план би можел одлично да помине, но од друга страна постои ризик Њукасл да испадне од ПЛ што може да се покаже како проблем.