Кјаер се пожали на статусот кај тренерот Пиоли

Искусниот Симон Кјаер решил да се пожали за својот статус во редовите на Милан преку изјава за дански медиум, па сега ќе биде дополнителен проблем за тренерот Стефано Пиоли.

Данскиот интернационалец не започнал натпревар во Серија А од 10. февруари наваму, а ставот не му го променила ниту шансата на дуелот со Тотенхем во Лигата на шампионите.

– Почна да ми пречи тоа што не добивам минутажа.

– Изминативе два месеца тренирам напорно како никогаш досега во кариерата, физички сум одлично подготвен, но работите не одат во моја корист.

– Настапот против Тотенхем ми беше најдобар по враќањето од паузата поради повреда, но факт е дека сум разочаран затоа што најчесто не сум во комбинација, – изјавил Кјаер.

Данецот сезонава има 3 настапи во ЛШ и 11 настапи во Серија А.