Поврзете се со нас

ВТА

Кис го доби трилерот со Швјонтек и закажа финале со Сабаленка во Мелбурн

Објавено

на

Foto:x.com/AustralianOpen

Арина Сабаленка трета година по ред ќе игра во финалето на Аустралијан Опен, но за разлика од вообичаените прогнози, наместо со Ига Швјонтек, на завршниот меч ќе игра против Медисон Кис.

Најдобрата светска тенисерка во првото полуфинале денеска ја „збриша“ својата добра пријателка Паула Бадоса со 6:4 и 6:2, по што многу побрзо од очекувањата стигна на ред второто полуфинале.

За разлика од првото, она меѓу Ига Швјонтек и Мадисон Кис беше далеку повозбудливо, па гледавме една спасена меч топка и супертајбрејк пред да ја добиеме победничката (5:7, 6:1 и 7:6).

Швјонтек изгледаше дека е блиску до победа кога имаше меч топка при водство од 6:5 на свој сервис, но Кис одигра неверојатно храбро во продолжение и успеа да се избори за тајбрејк.

Во клучната игра, Американата повторно имаше повеќе нерви, па на крајот со триумф од 10:8 во супертајбрејкот се пласираше во свое прво финале во Австралија, во кое ќе ја предизвика доминантната шампионка.

Advertisement
Advertisement

Италија

Advertisement

Популарни