Кирјос повторно го прозва Ѓоковиќ: Тој бегаше од моите сервиси

Ник Кирјос традиционално се обидува да го провоцира Новак Ѓоковиќ со своите изјави, а во сличен стил помина и неговата интернет комуникација со Енди Мари.

Кирјос и Мари зборувале на многу теми, но една од нив била и првото соочување на двајцата кое се случило во Монтреал во 2014 година.

Мари го доби мечот во два сета, а Кирјос вели дека не постоел начин да победи на таа средба.

– Ми дозволи да освојам само четири гејма тој ден, се чувствував како да не знам што е тоа тенис. Сакав да го напуштам теренот по првите четири гејма, очекував повеќе, но знаев дека имам проблем кога почна да ми враќаш сервиси кои ни Рафа не можеше, – рекол Кирјос.

Тој потоа успеал да го инволвира и Ѓоковиќ во разговорот.

– Не сакам да предизвикам контроверзи, но сметам дека требаше да имаш поголема кариера од Ѓоковиќ. Тоа е мое мислење, луѓето ќе речат – не, Новак има освоено толку и толку грен-слем титули, но јас размислувам дека Ѓоковиќ не можеше да ми врати сервис како што треба, а ти ми враќаше винери. Тој бегаше од моите сервиси, – дополнил Кирјос.