Кион го подбра Ван Нистелрој: Делува како да чека отказ за Тен Хаг

Мартион Кион имаше многу жестоки дуели со Руд ван Нистелрој на соочувањата меѓу Арсенал и Манчестер Јунајтед, а сега реши да ја обнови „војната“ со својот стар непријател.

Коментирајќи ги случувањата и кризата во редовите на Манчестер Јунајтед, Кион истакнал дека не го разбира однесувањето на поранешниот напаѓач, кој му е асистент на Тен Хаг.

– Го гледам Ван Нистелрој и не сум убеден дека дава максимум за својот менаџер.

– Мене Тен Хаг ми делува многу осамен, дали можеби Ван Нистелрој чека шанса да го преземе тимот?

– Немаат никаква комуникација со Тен Хаг, едноставно само седи, погледнете ја разликата со Пеп Гвардиола и неговите помошници.

– Мојот впечаток е дека фудбалерите не го даваат максимумот, но и помошниците на Тен Хаг, тој е осамен човек на клупата, – рекол легендарниот дефанзивец.