Кингсли Коман во следните неколку дена и дефинитивно го напушта Баерн Минхен

Французинот реши да најде нова средина до крајот на преодниот рок. Веста на денот од германскиот фудбал е дека Кингсли Коман го напушта Баерн!

Францускиот офанзивец ова денеска и го кажа на раководството на Баерн, а тие нема да имаат ништо против. Се разбира, со соодветен надомест.

За ова се шпекулира уште откако Винсент Компани го презеде клубот. Доаѓањето на Мајкл Олис на крилните позиции беше само уште еден силен аргумент за теоријата за заминување на Кoман, а преговорите за доведување на Дезире Дуе од Рен беа јасен сигнал дека Баерн има вишок на крилата. И дека овој вишок е Коман.

Французинот дојде во Баерн пред девет години од Јувентус за 28.000.000 евра и е еден од најдобрите трансфери на баварскиот гигант во последните десет години.

На крајот и Коман сфатил дека е вишок и решил да замине. Тој веќе одби трансфер во Саудиска Арабија и се надева на преселба во Премиер лигата каде голем број клубови се заинтересирани за неговите услуги.