Кин за англиската ѕвезда: Не можам да поверувам колку е лош, подобри тимови…

Англија им се врати на победите во Лигата на нации и тоа со славје во Хелсинки кај Финска од 3:1 што дефинитивно ја прави супер интересна завршницата во групата Б во сегментот Б во ова натпреварување.

Најубавиот потег на средбата го имаше членот на Ливерпул, Трент Александер Арнолд кој погоди од слободен удар во 74 минута за водство од 2:0 и може да се каже дека тука и го откажа противникот иако во продолжението падна по уште еден гол на двете страни.

Ремек-делото на Арнолд од слободен удар го неутрализираше потресот во Англија (Видео)

Трент за оваа мајсторија доби комплименти од сите страни, но Рој Кин беше брутален и говореше за неговите способности, поставеност во дефанзивната линија.

-Одлична техника, техниката е фантастична. Нема шанси за голманот. Обично сум суров кон голманите, но сега нема на тоа да се фокусирам.

-Му давате време на Трент, бидејќи неговите одлуки и квалитетот на додавањата се фантастични, но не можам да верувам колку е лош во одбраната и против подобри тимови ќе биде казнет. Ако го видовте пред некоја вечер како се брани (против Грција), изгледаше како никогаш претходно да не играл десен бек, -порача Рој.