Кин: Ако Сити загуби од Ливерпул…

Манчестер Сити е во резултатска криза и врза три порази во низа во Премиер лигата, ситуација која пак максимално ја искористи Ливерпул кој запиша три победи во истиот период и сега има осум бода повеќе во однос на актуелниот шампион.

Во 13. коло Ливерпул е домаќин на „граѓаните“ што значи дека може да дојде и до двоцифрена предност пред составот од Манчестер, сценарио кое е реално, сценарио кое според Рој Кин ќе значи крај на сите надежи на Сити дека може да ја продолжи доминацијата и да ја одбрани титулата во шампионатот.

-Осум поени предност. Се обложувам дека не можат да поверуваат. Ливерпул беше одличен и ги има сите шанси да ја освои оваа титула. Ако одиграа најдобро што можат, со навивачите зад нив и го победат Сити – каква изјава би била тоа.

-Ќе биде готово за нив [Сити] ако загубат од Ливерпул.Тоа е голем тест за справување со тоа очекување. Може ли Сити да се врати следната недела?, -вели Кин.