Кимих: Ова е најголемиот ден во кариерата, кога ќе освоите ваква титула со браќата…

Баерн Минхен го победи ПСЖ и дојде до врвот, тронот во Лигата на шампионите.

Со ова клубот од „Алијанц Арена“ на перфектен начин ја заокружи сезоната 2019/2020 во која триумфираше во Бундеслигата, но и во Купот на Германија.

Сепак пехарот во елитното натпреварување е нешто посебно, сон за секој фудбалер, а колку тоа значи најдобро се гледа по кратниот, ама јасен коментар на големиот борец, неуморниот Џошуа Кимих кој му асистираше на Коман за вечерашниот победнички погодок во Лисабон.

-Ова е најголемиот ден во мојата кариера. Кога ќе освоите ваква титула на терен со вашите браќа, тоа е максимумот што можете да го побарате, -истакна Кимих.