Килијан остана вџашен од магијата на Рајс: Видео од уникатен агол ги открива сите реакции на Мбапе

Британската телевизија „ТНТ Спортс“ објави сам мал момент од реакцијата која ја имаше Килијан Мбапе на ремек-делото кое го изведе Деклан Рајс во 70-та минута, но во меѓувреме, се појави и многу подолго видео кое ги открива сите гестикулации на Французинот.

Ѕвездата на Реал Мадрид остана импресионирана од начинот на кој топката заврши во аголот на неговиот гол, па со своите реакции дефинитивно го привлече вниманието на камерманите.

Во ситуацијата, Мбапе изреагира како секој неутрален фудбалски фан кој го следеше натпреварот на „Емирејтс“, но тоа испадна дека не е најлошата вест за него и соиграчите на вчерашниот натпревар.

Реал до крајот прими уште еден гол и сега ќе брка негатива од 3:0, што прави работите да бидат пеколно тешки за избраниците на Карло Анчелоти.

Изминатите неколку години, Реал во повеќе наврати се враќаше од загубени ситуации на „Сантијаго Бернабеу“, па носејќи се по таквата традиција, Мбапе по крајот на мечот во неколку наврати порача дека верува во сензационален пресврт.

View this post on Instagram

A post shared by Futboldelisi79 (@futbldelisi79)