Кикбоксерите на прием во АМС поради големиот успех на Балканското првенство (Фото)

Македонската кикбокс ескпедиција имаше успешен настап на Балканското првенство кое се одржа во Краљево, па откако нашите учесници се вратија со повеќе од 60 медали, денеска добија пречек како што заслужуваат.

Македонските репрезентативци и репрезентативки освоија точно 61 медал на Балканскиот турнир, од кои 16 беа златни, 26 сребрени и 19 бронзени.

Во екипна конкуренција, Македонија заврши на второто место во пласманот зад Србија која освои 54 одличја, но 28 беа златни.

Големиот успех денеска беше поздравен од Агенцијата за млади и спорт, која ги прими македонските херои во своите простории, честиташе за успехот и најави поддршка за нови идни големи успеси.

– Нашата кикбокс федерацијата освои 61 медал од Балканското првенство во Краљево, Србија, од кои 16 се златни, 26 сребрени и 19 бронзени и во вкупниот пласман е втора зад Србија со 54 одличја – 28 златни, 19 сребрени и 7 бронзени.

– Учествуваа 73 натпреварувачи со 77 настапи на Балканското кик бокс првенство во дисциплините К-1, лоу кик и кик лајт. На Балканското првенство учествуваа 212 натпреварувачи од 7 држави.