Киеза запиша прва асистенција во Ливерпул, Стерлинг постигна прв гол во дресот на Арсенал (Видео)

Арсенал и Ливерпул запишаа убедливи победи во воведната рунда на Карабао Купот, славејќи со идентичен резултат 5:1.

Овие натпревари беа добра шанса за менаџерите Микел Артета и Арне Слот да им дадат шанси на играчите кои добиваа помалку шанса, но исто така и да се докажат новите засилувања.

Арсенал славеше против Болтон со 5:1 на домашен терен, а стрелец на еден од петте гола беше Рахим Стерлинг, кој вечерва запиша и една асистенција.

Нванери постигна два гола, првиот погодок беше дело на Рајс, додека последниот за Арсенал го постигна Хаверц. Почесниот гол за Болтон беше дело на Колинс.

Победа од 5:1 на „Енфилд Роуд“ забележа и Ливерпул, а на овој меч стартер беше Федерико Киеза кој запиша една асистенција. Италијанецот акробатски додаде до Диего Жота кој израмни на 1:1, па така Ливерпул веднаш се врати по автоголот на Кванса.

Во продолжение, „црвените“ постигнаа уште четири гола во мрежата на Вест Хем, а покрај двојните стрелец Жота, два гола постигна и Гакпо, а еден Салах.

Голот на Стерлинг погледнете го ТУКА

Асистенцијата на Киеза погледнете ја ТУКА