Киеза со еден удар ги погоди гредата и дирекот, топката не заврши во мрежата (Видео)

Јувентус не успеа да го победи Нант во првиот бараж дуел во Лигата на Европа и ќе мора да брка победа во Франција, откако вечерва навистина се изнапромаши во второто полувреме.

Фаворитот поведе во првиот дел со голот на Влаховиќ по одличната акција на Ди Марија и Киеза, но потоа Јувентус комплетно се опушти и се реши да ги брани минималните 1:0.

Таквиот пристап на Алегри беше заслужено казнет во 60-та минута кога Блас претвори во гол една контра на гостите, по што во последните 30 минути гледавме комплетна опсада кон голот на Нант.

Јувентус фрли се на една карта за да постигне гол, но наместо тоа, во три наврати ја тресеше рамката од голот. Најлуда беше ситуацијата, односно обидот за гол на Киеза, кој со еден удар ги погоди и гредата и дирекот.

Крилниот напаѓач не можеше да поверува како топката не заврши во гол, но нешто слично доживеа и Анхел Ди Марија кој ја погоди гредата директно од корнер неколку минути подоцна.

На крајот, Јувентус се чини дека беше оштетен и за чист пенал во 95-та минута, бидејќи наместо најстрога казна поради играње со рака, судијата досуди прекршок во напад.

😬😬😬 pic.twitter.com/7tUV5xF7if

— Central Andrei Girotto (@centralgirotto3) February 16, 2023

So close Chiesa… pic.twitter.com/pf2ShGVnih

— JuveFC (@juvefcdotcom) February 16, 2023