Киеза се воодушевил од глетката во моментите пред да слета во Ливерпул: Побарав од сопругата една работа

Федерико Киеза стана прекуброен во Јувентус и беше ставен на трансфер листата од првиот ден кога во клубот пристигна Тиаго Мота, што автоматски значеше дека мора да си пронајде нова средина ова лето.

По долго размислување и чекање на вистинската понуда, италијанскиот репрезентативец на крајот на дочека онаа од Ливерпул, па така великанот од Англија му понуди доволно атрактивен проект за да направи трансфер.

Киеза вчера позираше со новиот дрес и за сума од 15 милиони евра се пресели во Англија, а од првото интервју кое го направи за клупската телевизија, за издвојување е моментот кој го имал со „Енфилд Роуд“.

– Сакам да ви откријам нешто што ми се заглави во главата уште пред да слетам на аеродромот. Пред да слетаме, го здогледав „Енфилд“ и тогаш почна да работи нешто во мене.

– Побарав од мојата сопруга да ми ја пушти песната „You’ll Never Walk Alone“, почнав да се замислувам себеси како ги слушам навивачите на Ливерпул. Беше забавно, но знам дека ќе ме лазат морници кога ќе игра на „Енфилд“. Тоа ќе биде многу емотивно за мене и моето семејств, – изјави Киеза.