Киеза го брани Алегри: Тренерот инсистира на модерен фудбал

Макс Алегри уште минатата сезона добиваше многу критики поради стилот на игра на Јувентус, а и во новата сезона „бјанконерите“ најчесто наликуваат на настапите од претходната сезона.

Фановите не се најубедени дека ќе има посериозна трансформација во обидот да се избори барем Топ 4 во Серија А, но Федерико Киеза смета дека Алегри е поборник за „модерен фудбал“.

– Го анализиравме поразот од Сасуоло и одигравме добри почетни 20 минути против Лече. Сакавме да играме пресинг длабоко и да играме модерен фудбал како што тренерот бара од нас.

– Мора да играме офанзивно, модерниот фудбал подразбира да ги притискаш противниците уште во нивната половина, а не да ги чекаш во својата.

– Не можеме тоа да го правиме 90 минути, но сите се трудиме да ги исполниме барањата на тренерот, мора да ги проценуваме добро ситуациите и да го избегнеме она што ни се случи во Сасуоло, – рекол Киеза.