Кемниц на Кочов ја загуби „мајсторката“ во Германија

Екипата на Кемниц во која дел од стручниот штаб е нашиот стратег Ѓорѓи Кочов претрпе пораз од Алба Берлин од 97:84 во последниот меч од полуфиналната серија во Германија.

Гостите одново му пружија силен отпор на евролигашот, го добија првиот дел со 53:48, а по 30 минути игра губеа со само еден разлика (74:73).

Токму во тие десет последни минути домаќините заиграа на повисоко ниво, дозволија само 11 поени и си го трасираа патот до триумфот од 13 разлика за 3:2 во серијата и финале со Баерн Минхен.

Шутерот Томас со 24 поени беше прво име кај Алба, додека кај поразените Гарет и Јебо уфрли по 16 кошеви.