Кејн за новиот тренер на Баерн: Го гледате начинот на кој сакаме да играме…

Хари Кејн полека се враќа во ритам по краткиот одмор кој го имаше по завршувањето на обврските со англиската репрезентација со која летово настапи на Европското првенство.

Сега фокусот е на Баерн Минхен, тим кој има нов тренер во името и делото на Венсан Компани за кого ова е најголемиот предизвик во новата фаза, поглавје во животот и кариерата.

Кејн е задоволен од тоа што го гледа и се надева на успешна сезона.

-Навистина ми се допаѓа. Тој е одлична личност да се има како лидер и тренер. Го гледате начинот на кој сакаме да играме: висок интензитет и висок пресинг. Чување на топката. Не е секогаш лесно против Тотенхем  бидејќи тие го прават истото, но ова беше натпревар напред-назад, -порача искусниот напаѓач.