Кејн за мајсторијата која ги возбуди фудбалските фанови: Никогаш не сум постигнал таков гол…(ВИДЕО)

Баерн Минхен со хет-трикот на Хари Кејн оствари сигурна победа над Аугзбург (3-0) во Бундеслигата, односно продолжи со големи чекори да оди напред кон посакуваната цел, враќање на трофејот на „Алијанц Арена“.

Кејн првите два гола ги даде со удари од белата точка, но последниот во судиското продолжение беше специјален и ги возбуди фудбалските фанови кои имаа повеќе коментари дека Англичанецот го рекреирал долгогодишното лого на Бундеслигата.

Вонсерискиот прием на Кејн е топ тема во Германија: Го рекреираше логото на Бундеслигата (Видео)

-Многу од вас прашуваа за третиот гол. Тоа беше прилично посебен гол – веројатно еден од омилените во мојата кариера. Навистина досега не сум постигнал таков гол. Како прво, тоа е одлична топка на Леон – нафрленото додавање беше точно – и додека топката доаѓаше бев малку загрижен дека голманот ќе излезе и ќе се обиде да ја боксува.

-Само што видов дека се враќа назад, можев инстинктивно да ја ставам ногата таму каде што мислев дека ќе биде топката и можев совршено да ја допрам, совршено легна и потоа ја завршив акцијата. Очигледно специјален гол, воедно и мој 50-ти гол во Бундеслигата. Многу ми значеше. Еден од моите омилени сигурно, -истакна Кејн.