Кејн урна уникатен рекорд на Халанд во Бундеслигата (Видео)

Хари Кејн се уште го чека својот прв официјален трофеј во професионалната кариера, но од друга страна, има безброј индивидуални потфати кои само покажуваат дека се работи за роден и врвен голгетер.

Англискиот капитен денеска постигна два гола во победата од 4:3 над Холштајн Кил, а тоа значеше дека ѕвездата на Баерн Минхен остварува рекорд кој малку кој веруваше дека ќе биде урнат.

Ерлинг Халанд постигна 50 голови на своите први 50 натпревари во Бундеслигата како член на Борусија Дортмунд, учинок кој сепак доста брзо го подобри Кејн.

Хари денеска го играше својот 50-ти официјален натпревар во германската елита, а со постигнатите два гола, стигна до бројката од 55 голови.

Никој претходно во историјата нема ваков учинок во најсилната германска фудбалска лига, па овој уникатен рекорд го став на вечната листа на првото место пред голгетери како Халанд, Левандовски и Герд Милер.

Harry Kane na Bundesliga:

50 jogos
70 participações em gols
55 gols
15 assistências

– Ninguém marcou ou participou de mais gols do que ele nos seus primeiros 50 jogos na competição. pic.twitter.com/WxTa7ZMVgC

— Curiosidades Europa (@CuriosidadesEU) February 1, 2025