Кејн „испука“ хет-трик, па порача: Спремен сум за…

Баерн Минхен си поигра со Бохум на денешниот лигашки меч на „Алијанц Арена“, меч во кој славеше со 7-0 и со 13 освоени бода сега е на водечката позиција во Бундеслигата.

Играч на натпреварот беше летното засилување Хари Кејн кој реализираше хет-трик, плус запиша две асистенции. Со ова Англичанецот дојде до бројката од седум голови во најсилниот германски шампионат, поточна стана прв играч кој постигнал 6 или повеќе погодоци на првите пет средби во Бундеслигата.

Кејн беше презадоволен и сега со нетрпение го чека Октоберфест, традиционалниот фестивал на пивото што се одржува во Баварија.

-Беше совршено попладне, едноставно е забавно со овој тим, менталитетот на момците е одличен. Сега со нетрпение го чекам Октоберфест.

-Направивме да изгледа лесно. Можеше да биде навистина тешко, но сите беа остри и ја искористивме брзина на нашите крила. Беше прекрасна игра, секој беше на своето ниво, -порача голгетерот.