Кејн: Имаме иста цел со Баерн

Хари Кејн минатото лето се реши да сврти нова страница во животот и кариерата, па животот во Англија го замени со Германија или поточно од Тотенхем се пресели во редовите на Баерн Минхен.

Напаѓачот одлично се снајде на „Алијанц Арена“ и севкупно постигна 44 погодоци, меѓутоа ваквиот учинок падна во вода затоа што клубот остана со празни раце, без ниту еден освоен трофеј што за Баерн е вистинска катастрофа.

Се направија доста промени, играчи си заминаа, беа донесени замени, екипата има нов тренер и Кејн се надева дека работите ќе одат во позитивен правец и сите заедно ќе се радуваат на титули.

-Сакам да продолжам да постигнувам голови и да му помагам на тимот. Ама главната цел е освојување титули. Мораме да го вратиме Баерн на освојување титули. Тоа е мојата цел, а тоа е целта на клубот. Нема да биде лесно, но имаме одличен тренер, имаме многу свежа енергија и висок интензитет на тренинзите. Тоа ќе го видите и на натпреварите.

-Многу сум возбуден да видам како оди. Многу сум возбуден да видам како ќе се одвиваат работите со новиот тренер и начинот на кој играме. Ќе имаме многу топка и ќе добиеме многу шанси. За мене, тоа е совршен начин за играње. Се надевам дека ќе имам многу шанси и нема да искористам само некој од нив, -порача Хари за „Билд“.