Кеита со мајсторски гол ги вознемири фановите во Милано, но Интер реагираше и освои важни три бода (Видео)

Монца останува главен фаворит за преселба во Втората италијанска лига и после солидното издание кое го имаше на „Џузепе Меаца“, од едноставна причина што дозволи пресврт на Интер во ситуација кога водеше со 0:2.

Избраниците на Алесандро Неста ги онерасположија и вознемирија навивачите на Интер во првото полувреме со двата погодоци на Бириндели и Кеита Балде, но веднаш по мајсторскиот гол на поранешниот играч на „нераѕурите“, домаќините возвратија и намалија на 1:2.

Кеита постигна мајсторски гол за 0:2 во 44-та минута и им се извинуваше на навивачите на Интер, но веднаш после тоа, Аранутовиќ најави исклучително возбудливо второ полувреме со гол за 1:2.

Сосема очекувано, Интер фрли се на една карта во напад во вториот дел, па по голот на Чалханоглу во 64-та минута, стана јасно дека Монца ќе ја чека пекол до крајот на мечот.

Фаворитот никако не можеше да се задоволи и со реми исход, а по сериозните налети, како одлучувачки се покажа погодокот на Лаутаро Мартинез кој беше детектиран само од часовникот на судијата.

Иако се чинеше дека интервенција е добра во прв момент, технологијата покажа дека топката сепак ја минала гол линијата, па Интер на крајот победи 2:3 со погодокот на својот капитен.

Интер со овој триумф отиде на плус четири од Наполи, па сега ќе го исчекува епилогот од натпреварот на небесно-сините против Фиорентина.