Катастрофалниот волеј на Мудрик служи за потсмев на социјалните мрежи (Видео)

Михаило Мудрик не се наметнува како стартер и кај новиот менаџер Маурисио Покетино, но вчера принудно доби шанса на стартот на вториот дел поради повреда на свој соиграч.

Украинецот го замени Чукуемека и немаше баш некое позитивно влијание врз играта на својот тим, кој во вториот дел прими два гола и го загуби дербито со Вест Хем.

Еден од најактивните кај гостите беше искусниот Рахим Стерлинг, а токму еден негов центаршут донесе еден катастрофален обид од Мудрик кој брзо стана вирален на социјалните мрежи.

Мудрик ја врати топката на местото од кадешто пристигна центаршутот, па поради тоа што беше мета на сериозен потсмев на социјалните мрежи, реши самиот да се јави со охрабрувачка порака:

– Момци, сакам да ви кажам дека ја почитувам вашата поддршка. Сите сме заедно во еден брод, губиме и победуваме заедно, мојот успех ќе биде и ваш успех, – порача Мудрик.

Најголем сеир доаѓа од фановите на Арсенал, кои не забораваат да му се заблагодарат на Челси што им го „украде“ играчот вреден 100 милиони евра.

Thank you #ChelseaFC for hijacking this guy from us 😂😂#PremierLeague #Chelsea #Mudryk #Luna25 #AsiaCup2023 #football #westhamvschelsea #WestHam #AsiaCup2023 pic.twitter.com/9vQLOi4VTc

— Declan Rice (@Rice_Rice_Baybe) August 21, 2023